د زندانونو چارو د سمون ادارې سرپرست او نظامي مرستیال د دې ادارې د تشکلیلاتو عمومي مدیر سره د همغږۍ او اداري پرمختګ په موخه ځانګرې ناسته وکړه
محترم لوی پاسوال الحاج محمد کاظم "طارق" نن(چهارشنبې) په خپل کاري دفتر کې د یادې ادارې د تشکیلاتو عمومي مدیر سمونوال مولوي خان محمد "ساجد" او د دې مدیریت یو شمېر نظامي مسوولینو سره د دغې ناستې پرمهال نوموړو سره د سلسله مراتبو، د اداري تشکیلاتو جوړښت او پیاوړتیا، د نظامي برخې پرسونل ظرفیت لوړولو، د کارکوونکو انسجام او مدیریت، د چارو لا همغږۍ او اړوندو نورو مهمو مسایلو په اړه خبرې اترې وکړې.
په ورته وخت کې، محترم سمونوال مولوي خان محمد "ساجد" د یوه پرېزنټېشن په ترڅ کې د دې مدیریت د اهمیت، څرنګوالي، کړنو، دندو او موخو په اړه معلومات وړاندې کړل، چې د زندانونو چارو د سمون ادارې سرپرست او نظامي مرستیال یې له لیدو او اورېدو وروسته د رضایت په څرګندولو ټولو نظامي مسوولینو او پرسونل ته د اسلامي شریعت او له تقنیني اسنادو سره سم او پر وخت د ورسپارل شویو چارو د ترسره کولو سپارښتنه وکړه.
جمادي الثاني۱۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
