د زندانونو چارو د سمون ادارې سرپرست او د پالېسۍ او مسلکي چارو مرستیال د سترې محکمې څخه راغلي پلاوي سره ولیدل
د زندانونو چارو د سمون ادارې سرپرست او د پالېسۍ او مسلکي مرستیال محترم قاري عبدالله "همدرد" په داسې حال کې، چې د دې ادارې د عدلي او قضايي اورګانونو سره د اړیکو رئیس محترم مولوي عبدالله "حقیق" هم شتون درلود، نن( چهارشنبې) د افغانستان د سترې محکمې څخه راغلي پلاوي سره په خپل کاري دفتر کې ولیدل او د بندیانو پر اړوندو مسایلو یې بحث وکړ.
داراز، دواړو خواوو په یاده لیدنه کې، د ازادۍ سلب مرکزونو ته د تورنو او محکومینو د جذب، تسلیمۍ او ازادېدو په بهیر کې د محاکماتي چارو پر وړاندې د ننګونو او حل لارو په اړه له شرعي، حقوقي، مسلکي او تخنیکي اړخه هراړخیز بحث او نظرونه تبادله کړل.
د زندانونو چارو د سمون اداره تل هڅه کوي، څو د هېواد له عدلي او قضايي اورګانونو سره په همکارۍ تورنو او محجوزینو دغې مهمې غوښتنې ته د رسېدنې، یعنې د دوسیو پروخت څېړلو لپاره لازمې حل لارې او اسانتیاوې برابرې کړي.
رجب المرجب- ۲۶/ ۱۴۴۵
د مقام د دفتر ریاست
اطلاعاتو او عامه اړیکو امریت
