د زندانونو چارو د سمون ادارې د نظامي چارو مرستیال د ادارې له یو شمېر نظامي مسوولینو سره د همغږۍ ناسته ترسره کړله
په ياده ناسته کې، د دې ادارې د نظامي چارو مرستیال محترم لوی پاسوال الحاج محمد کاظم"طارق" په داسې حال کې چې د د غې ادارې د نظامي چارو معاونیت د ارکان رئیس محترم پاسوال الحاج اسدالله "مولانا"، د کشف او اوپراتېفي رئیس محترم مولوي عبدالشکور"طیب"، د نظامي ښوونې او روزنې واحد قوماندانۍ قوماندان محترم مل پاسوال مولوي نورالله "دروېش" د امنیتي قطعې د قرارګاه قوماندان محترم مولوي خالقداد "رحمت" او یو شمېر نورو امنیتي مسوولينو په ګډون جوړه شوې وه، د کاري چارو د ښوالي او د مسوولینو او پرسونل ترمنځ د لا ښې همغږۍ، غوره پلان جوړولو، سهولتونو او خدمتونو برابرولو په اړه خبرې اترې وکړې.
داراز، په یاده ناسته کې يو شمېر امنيتي مسوولينو خپلو کاري کړنو او لاسته راوړنو او د ځينو ستونزو او اړتیاوو يادونه وکړله، چې د نظامي چارو مرستیال له خوا ورته په یادو برخو کې د رسېدنې ډاډ ورکړل شو.
په پای کې، د زندانونو چارو د سمون ادارې د نظامي چارو مرستیال محترم لوی پاسوال الحاج محمد کاظم"طارق" د امنيتي مسوولينو او پرسونل ترمنځ د کارونو لا ښه پرمختګ، د پوره همغږۍ او همکارۍ پر زیاتولو ټینګار وکړ او اړوندو مسوولینو ته یې لازمې لارښوونې وکړې.
رجب المرجب ۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
