د زندانونو چارو د سمون ادارې د نظامي معاونیت د ارکان رئیس د کابل ولایت له نشه يي توکو سره د مبارزې له توقیفخونې لیدنه وکړه

محترم پاسوال الحاج اسدالله "مولانا" او ورسره مل پلاوي یې د کابل ولایت له نشه يي توکو سره د مبارزې توقیفخونې له مسوولینو سره ولیدل او پر اړوند مسایلو یې خبرې اترې او سلا مشورې وکړې.
داراز، د زندانونو چارو د سمون ادارې د نظامي معاونیت د ارکان رئیس په مشرۍ پلاوي د نوموړې توقیفخونې توقیفیانو سره هم له نږدې وکتل، د هغوی وضعیت یې وارزاوه، چې په دې ترڅ کې توقیفیانو له دوی سره د مسوولینو چلند ښه یاد کړ او د خپلو جرمي دوسیو د ژر څېړلو غوښتنه یې وکړه.
همدا راز، پلاوي له یوې خوا نوموړو توقیفیانو ته ډاډ ورکړ چې په دې برخه کې به له عدلي او قضایي اورګانونو سره یې دا غوښتنه شریکوي او له بلې خوا یې د نوموړې توقیفخونې مسوولينو ته د توقیفیانو لپاره د اسانتياوو پر زیاتولو، ستونزو او روا غوښتنو ته یې د رسېدنې په موخه لازمې لارښوونې وکړې.
په پای کې د محترم پاسوال الحاج اسدالله "مولانا" په مشرۍ پلاوي د دې توقیخونې اداري شعبي، د خوړو (اعاشې)، اباتې، پخلنځي، تعمیراتي او روغتیايي چارې، امنیتي پوستې، ټاورونه او قراولونه وارزول او د شتو ستونزو د حل لپاره یې اړوند مسوولین متوجه کړل.

شوال المکرم ۲۷/ ۱۴۴۵
د مقام د دفتر ریاست
د اطلاعاتو او عامه اړیکو امریت