د زندانونو چارو د سمون ادارې اړوند د هېواد په ټولو زندانونو کې د ښوونځیو او مدرسو د جوړولو، او زندانیانو ته د دیني، عصري او حرفوي زده کړو د لا پراخوالي په موخه د فرصتونو د برابرولو لپاره، د زندانونو چارو د سمون ادارې او د پوهنې وزارت ترمنځ هوکړه لیک لاس
د دې هوکړې له مخې دواړه ادارې به په ګډه کار کوي څو د زندانونو دننه تعلیمي پروګرامونه پلي کړي، د سواد زده کړې، دیني او عصري علومو مضمونونو لپاره ښوونکي وګماري، او هغه بنديان چې له زده کړو بې برخې پاتې شوي، د زده کړې له نعمت څخه برخمن کړي.
په دې اړه جوړو شویو مراسمو کې د زندانونو چارو د سمون ادارې عمومي رئیس محترم الحاج مولوي محمد یوسف "مستري"، د پوهنې وزارت معین محترم مولوي عبدالخالق "صادق"، د دې ادارې د نظامي چارو مرستیال محترم لوی پاسوال قاري حبیب الله "بدر"، مالي او اداري عمومي رئیس محترم مولوي عبدالهادي "مالي اخندزاده"، د مقام د دفتر رئیس محترم قاري رحمت الله "ګلزاد"، د نظامي چارو معاونیت د ارکان رئیس محترم پاسوال الحاج اسدالله "مولانا" او یو شمېر نورو رئیسانو او مسوولینو هم ګډون درلود، د زده کړو په ارزښت خبرې وکړې او زیاته کړله چې نوموړې ادارې د پوهنې وزارت سره په ګډه د دې ادارې اړوند په ټولو زندانونو کې زندانیانو لپاره د تعلیم او تعلم، سواد زده کړو سربیره د دیني، عصري او حرفوي زده کړو زمینه برابرې کړې او دغه اداره هڅه کوي چې د زده کړو دغه لړۍ لا پراخه کړي.
محترم الحاج مولوي محمد یوسف مستري زیاتوي، دغه اداره کوښښ چې زندانیانو ته داسې ښوونيزې او روزنیزې برنامې په لار واچوي چې لکه د باندې د ازادو وګړو په څېر خپلو زده کړو ته دوام ورکړي څو په مټ یې وکولي شي د خوشې کېدو وروسته د ټولنې ته یو ګټور او با مسوولیته غړي په توګه وړاندې شي.
د پوهنې وزارت معین محترم مولوي عبدالخالق صادق هم ژمنه وکړله چې د اړوندو ښوونیزو موادو، ښوونکو او درسي نصاب د برابرولو په برخه کې به لازمه همکاري کوي.
د ښوونې او بیا روزنې رئیس محترم مولوي نظر محمد ناصري وویل چې د دې ادارې اړوند په ټولو زندانونو کې د زندانیانو د اصلاح او ښې روزنې په موخه فعاله مدارس او ښوونځي شتون لري او دغه اداره د پوهنې وزارت سره په همکارۍ توانیدلې چې زندانیانو ته د دیني، عصري او حرفوي زده کړو زمینه برابره کړې څو په مټ یې وکولی شي چې زندانیان د بند مودې پوره کېدو سره سم په پوهې سمبال، یو عالم، حافظ او کاسب وګړي په څېر ټولنې ته د خدمت په موخه وړاندې شي.
یاد مراسم د زندانونو چارو د سمون ادارې او پوهنې وزارت سره د هوکړې په لاسلیک کولو او د خیر په دعايي سره پای ته ورسېدل.
جمادي الاول ۱۴/ ۱۴۴۷
د مقام د دفتر ریاست
د اطلاعاتو او عامه اړیکو امریت
