د زندانونو چارو د تنظیم ادارې د څرخي پله مرکزي محبس د امنیتي قطعې قوماندان په دنده پیل وکړ
د زندانونو چارو د تنظیم ادارې د رهبرۍ په سپارښتنه او اړتیا ته په کتو، محترم مولوي محمد نبي د یو لړ مراسمو په ترڅ کې، د څرخي پله مرکزي محبس د امنیتي قطعې نوي قوماندان په توګه اړوند پرسونل ته معرفي او نوموړي هم رسماً خپله دنده پیل کړله.
د نوموړي محبس رئیس محترم قاري محمدګل "جګرخون"، د یادو مراسمو پرمهال خپلو خبرو کې وویل: «هیله لرو، چې دغه تغییر او تبدیل د چارو د ښوالي او پرمختګ سبب وګرځي او په دې برخه کې ښې لاسته راوړنې ولرو».
د دې مراسمو په پای کې، محترم مولوي محمد نبي په خپلو خبرو کې ژمنه وکړه، چې تل به د اسلامي شریعت په رڼا کې خپل هېواد او هېوادوالو ته خدمت کوي او ورسپارل شوي مسوولیتونه به په پوره رېښتینولۍ او امانتدارۍ سرته رسوي.
صفر المظفر ۲۵/ ۱۴۴۸
د مقام د دفتر ریاست
د اطلاعاتو او عامه اړیکو امریت
