د ازموینې ملي ادراې عمومي رئیس د زندانونو چارو د سمون ادراې له لورې د مرکز او (۳۳) ولایتونو د زندانونو رئیسانو ،امرینواو نظامي مدیرانو ته د زندانیانو سالمې ساتنې د مهارتنونو او پوهاي لوړونې له سمیناره لیدنه وکړله.
دغه سمینار چې د نوموړې ادارې عمومي رئیس محترم مولوي محمدیوسف مستري په سپارښتنه د مرکز او )۳۳( ولایتونو د زندانونو رئیسانو، امرینو، او نظامي مدیرانو د مهارتونو او پوهاوي لوړولو په موخه څو ورځې وړاندې پیل شوی، تېره ورځ د ازموینې ملي ادراې عمومي رئیس محترم شیخ عبد الباقي "حقاني" په داسې حال کې چې یو شمېر نورو مسوولینو هم ګډون درلود لیدنه وکړله.
محترم شیخ عبدالباقي حقاني د سمینار ګډونوالو ته په خپلو خبرو کې وویل؛ هر انسان ته الله (جل جلاله) په ټولنیز ژوند او چارو کې یو لړ صلاحیتونو ترڅنګ مسوولیتونه هم ورکړی چې خپلې چارې په ریښتینوالۍ او په ښه توګه ترسره کړي.
همداراز، نوموړي د اداري چارو د ښه تنظیم په موخه داسې سمینارونه مهم یاد کړل او ګډونواو ته یې زیاته کړله چې له داسې فرصت څخه باید ښه ګټه پورته او په چارو کې له مشورې او مصلحت څخه په ګټې اخیستنې سره خپلې دندې د اسلامي اصولو او د هېواد د نافذه قوانینو په رڼا کې ترسره کړئ.
دغه سمینار چې څو ورځې وړاندې پیل شوی د (۱۵) ورځو په موده کې به یادو ګډونوالو ته د زندانونو د رهبرۍ، اداري نظم او د زندانیانو د سالمې ساتنې لپاره د مهارتونو او پوهاي په اړه هراخیز معلومات ورکړل شي.
شعبان المعظم ۱۲/ ۱۴۴۶
د مقام د دفتر ریاست
د اطلاعاتو او عامه اړیکو امریت
