ولایتي خبر: (پکتیکا) د پکتیکا ولایت په زندان کې د زندانیانو ترمنځ د واليبال ټورنمنټ پيل شو
دغه ټورنمنټ چې د دې ولایت د ورزش او سپورت امریت په همکارۍ پيل شو، پینځه ورځې به دوام ولري او موخه یې د زندانيانو د ذهني سکون، سالمې او مثبتې بوختيا سربېره د اصلاح او روزنې د بهير د پياوړتيا په برخه کې يو مهم ګام وي.
د پکتیکا ولايت د زندان امر محترم مولوي احسان الله "صلاح الدین" وويل، د دې ډول ورزشي برنامو تنظیمول د زندانيانو پر روحي او رواني روغتیا مثبتې اغېزې لري او له زندانيانو سره د بيا ټولنيز کېدو او مثبت بدلون په برخه کې ډېره مرسته کوي.
صفر المظفر ۱۹/ ۱۴۴۸
د مقام د دفتر ریاست
د اطلاعاتو او عامه اړیکو امریت
