د کابل ولایت د څرخي پله د مرکزي زندان رئیس د یوناما دفتر له پلاوي سره وليدل
د کابل ولایت د څرخي پله مرکزي زندان رئیس محترم الحاج مولوي عبدالمالک "خاکسار" په داسې حال کې، چې د نوموړي زندان یو شمېر مسوولینو هم شتون درلود، په افغانستان کې د ملګرو ملتونو سازمان د مرستندویه ماموریت "یوناما" د بشري حقونو د برخې له پلاوي سره ولیدل او د زندانیانو د ژوندانه د وضعیت، د هغوی د بشري حقونو د خوندیتوب او په نورو اړوندو موضوعاتو یې ورسره خبرې اترې وکړې.
داراز، د دې زندان رئیس یاد پلاوي څخه د زندانیانو لپاره د صحي، اعاشوي، صنعتي او یو شمېر نورو برخو کې د همکارۍ غوښتنه وکړله چې د پلاوي له لوري ورته د رسېدنې ډاډ ورکړل شو.
دغه راز، نوموړي پلاوي د یاد زندان له زندانیانو سره هم ولیدل او د هغوی لپاره یې د ښو خدماتو او اسانتیاوو د رامنځته کولو او د بشري حقونو د خوندیتوب په موخه د مسوولینو هڅې یې وستایلې.
ربېع الاخر ۱۴/ ۱۴۴۷
د مقام د دفتر ریاست
د اطلاعاتو او عامه اړیکو امریت
