د ننګرهار ولایت د زندان رئیس په مشرۍ یوه پلاوي د نورستان له زندانه ليدنه وکړله
د زندانونو چارو د سمون ادارې د رهبرۍ په سپارښتنه د ننګرهار ولایت د زندان رئیس محترم مولوي سهیل "سعید" د یوه پلاوي په مشرۍ د نورستان ولایت له زندان څخه ليدنه کې د نوموړي ولایت د زندان وضعیت له نږدې وارزوه او مسوولینو سره په اړوندو مسایلو خبرې وکړې.
محترم مولوي سهیل "سعید" د زندان د اداري چارو، روغتیايي خدماتو، د زندانيانو د استوګنې ځایونو او اصلاحي فعالیتونه له نږدې ولیدل او اړوندو مسوولینو ته لارښوونه وکړه چې د اسلامي ارزښتونو او بشري حقونو په رڼا کې له زندانيانو سره انساني چلند ترڅنګ او د هغوی د اصلاح، تعلیم او مهارتونو لوړونې ته لا زیاته پاملرنه وکړي.
همداراز، د نورستان د زندان مسوولینو د ننګرهار پلاوي ته د هرکلي ترڅنګ وویل چې دغه لیدنې د مسوولینو ترمنځ د تجربو د شریکولو او د همکارۍ د روحيې د پیاوړتیا لامل ګرځي چې له امله به یې د ولایتونو ترمنځ لا پیاوړي کاري همغږي رامنځته شي.
محرم الحرام ۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
