ولایتي خبرونه ( پکتیا، بادغیس) د پکتیا ولایت د زندان ملکي او نظامي پرسونل ته یو ورځنی اصلاحي سمینار ورکړل شو
د زندانونو چارو د سمون ادارې د رهبرۍ په لارښوونه او د یاد ولایت د زندان د مسوولینو په هڅو د دې زندان ملکي او نظامي پرسونل ته یو ورځنی اصلاحي سمینار چې په کې د اسلامي اوصولو سره سم د ځان اصلاح، د مشرانو اطاعت، د جماعت پابندي، د بیتالمال ښه ساتنه، له مراجعینو او زندانیانو سره د ښه چلند او په چارو کې د نورو ورسپارل شوي مسوولیتونو په صداقت او اخلاص سره د ترسره کولو ترڅنګ یو شمېر نورې لازمې لارښوونې وشوې.
په دې اړه په جوړو شویو مراسمو کې د دې زندان رئیس محترم قاري عبدالغني عادل یاد سمینار د کارکوونکو د ظرفیت لوړونې په موخه ګټور یاد او له ګډونوالو څخه یې وغوښتل چې د ترلاسه کړو زده کړو او لارښوونو څخه په چارو کې مثبته ګټه پورته کړي.
د یوبل خبر له مخې، د بادغیس ولایت د زندان یوه پلاوي د دې ولایت د یو شمېر ولسوالیو له توقیفخونو څخه ليدنه وکړله
د دغه ولایت د زندان امر محترم ملا سید باران"عدالتي" او مل پلاوي یې تېره ورځ د نوموړي ولایت د غورماچ، او بالامرغاب ولسوالیو له توقیفخونو څخه د لیدنې پرمهال د یادو توقیفخونو له مسوولینو سره په اړوندو مسایلو خبرې وکړې.
داراز، پلاوي د نوموړو ولسوالیو د توقیفخونو له توقیفیانو سره ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ خپلې ستونزې او غوښتنې شرېکې کړې چې د پلاوي له لورې د هغوی دې غوښتنو ته د رسېدنې، د هغوی د حقونو رعایتولو او ورته د لازمو اسانتیاوو د برارولو ژمنه وشوه.
په ورته وخت کې، پلاوي د یادو توقیفخونو مسوولینو سره په خبرو کې، د توقیفیانو د محاکماتي چارو د لا اسانتيا او د نورو ښو خدماتو د رامنځ ته کولو په موخه لازمې لارښوونې وکړې.
شوال المکرم ۲۹/ ۱۴۴۶
د مقام د دفتر ریاست
د اطلاعاتو او عامه اړیکو امریت
