د غزني ولایت د توقیفخونو مسوولینو ته د ظرفیت لوړونې په موخه اووه ورځینی سیمینار پیل شو
د زندانونو چارو د سمون ادارې د عمومي رئیس محترم مولوي محمدیوسف "مستري" په سپارښتنه او د هېواد زندانونو ته د پاملرنې په لړ کې دا ځل د غزني ولایت دشپږو ولسوالیو توقیفخونو مسوولینو ته د ظرفیت لوړونې په هدف اووه ورځینی سیمینار د دې زندان د تجربه لرونکو ښوونکو له خوا پیل شو.
د غزني د زندان رئیس محترم قاري عبدالغني"عادل" دا ډول سیمینارونه د کارکونکو د وړتیاوو لوړونې په موخه مهم یادکړل او د زندانونو چارو د سمون له ادارې یې د ورته ګټورو پروګرامونو د پلي کولو غوښتنه وکړه.
دا راز، د محترم قاري عادل په وینا، په یاد سیمینار کې به د دې ولایت د توقیفخونو کارکونکو سره د زندانیانو د ساتنې، له هغوی سره د ښه چلند، د بندیانو د انتقال، د هغوی د تسلیمولو طریقه او ورته د غوره اسانتیاوو برابرولو ترڅنګ دیني زده کړې او نور د اړتیا وړ مهم موضوعات شریک شي چې د دوی په چارو کې به مثبتې پایلې ولري.
جمادي الاول ۲۵/ ۱۴۴۵
د مقام د دفتر ریاست
د اطلاعاتو او عامه اړیکو امریت
