ولایتي خبرونه( پکتیا، بغلان) د زندانونو چارو د سمون ادارې د رهبرۍ په سپارښتنه، د پکتیا ولایت په زندان کې د روژې مبارکې میاشتې د رارسېدو په پار د دې زندان ملکي او نظامي کارکوونکو ته د قرآن کریم د ترجمې او تفسیر دوره پیل شوه.
د یاد زندان رئیس محترم قاري عبدالغني "عادل"په دې اړه د جوړو شویو مراسمو پرمهال، د دیني زدهکړو پر ارزښت خبرې وکړې او زیاته یې کړله، چې د دې برنامو جوړولو موخه، د قرآن کریم پر ترجمې د پوهې ترڅنګ، په دیني، اسلامي فکر او روحیې د ملکي او نظامي پرسونل سمبالول دي.
د یو بل خبر له مخې، بغلان ولایت د محبس محبوسینو ترمنځ د والیبال دوستانه سیالۍ ترسره شوې
د دغه ولایت د زندان مسوولین زیاتوي، په یاد زندان کې د ورزش مینه والو محبوسینو ترمنځ د والیبال دوستانه سیالۍ پای ته ورسېده.
داراز، د نوموړي زندان مسوولینو په خبره؛ دغو سیالیو موخه د دواړو لورو ترمنځ د یوې ښې او سالمې فضا رامنځ ته کول وو، څو له یوې خوا زندانیان د خپګان احساس ونه کړي او له بلې خوا ورته د ورزش زمینه برابره شي څو پرمټ یې روحي او جسمي روغتیا او سلامتیا ترلاسه کړي.
په ورته وخت کې، بغلان ولایت محبس محبوسینو د یادې دوستانه سیالیو د برابرولو له امله مسوولینو څخه د مننې ترڅنګ ژمنه وکړله چې د زندان له خوا به په نورو جوړو شویو پروګرامونو کې هم د تل په شان برخه واخلي.
شعبان المعظم ۸/ ۱۴۴۷
د مقام د دفتر ریاست
د اطلاعاتو او عامه اړیکو امریت
