د پکتیکا ولایت په زندان کې د زندانیانو ترمنځ د (اسلام اساسات) کتاب تر نامه لاندې سیالۍ پای ته ورسېدې
په دغه سیالۍ کې، چې د دې ولایت د زندان (۱۵۰) تنو زندانیانو برخه اخیستې وه، د هغوی د فکري روزنې او د مطالعې فرهنګ د ودې په موخه د الکوثر فکري او فرهنګي ادارې په همکارۍ او د نوموړي زندان امریت له لورې په شفافه توګه ترې ازموینه واخیستل شوه.
په دې اړه جوړو شویو مراسمو کې، د یاد ولایت د مقام د دفتر رئیس، د دې زندان امر محترم مولوي احسان الله "صلاح الدین" او یو شمېر سیمه ییزو رئیسانو شتون درلود، ویناوالو د مطالعې پر ارزښت خبرې وکړې او زندانیانو څخه یې وغوښتل چې خپل وخت بې ځایه تېر نه کړي او شته فرصت څخه په ګتې اخیستنې سره مطالعه وکړي.
همدا راز، د یاد زندان امر له زندانیانو څخه وغوښتل چې د دیني زده کړو په ترلاسه کولو او د پوهې په لوړولو کې خپلې هڅې لا زیاتې کړي.
په یاده سیالۍ کې (۱۵۰) تنو زندانیانو برخه اخیستې وه، چې د ازموینې له پایلو وروسته به ممتازو ګډونوالو ته جایزې او د ډالۍ هم ورکړل شي.
جمادي الاول ۸/ ۱۴۴۷
د مقام د دفتر ریاست
د اطلاعاتو او عامه اړیکو امریت
