د ننګرهار د مرکزي زندان رئیس د دغه ولایت د پوهنې ریاست د سواد زده کړې له مسول سره ولیدل

محترم مولوي بلال "شاهین" په داسې حال کې، چې د یاد زندان د ښوونې او روزنې مسوولینو یې هم ملتیا کوله، تېره ورځ د ننګرهار ولایت د پوهنې ریاست د سواد زده کړې له مسول سره د دغې لیدنه پرمهال، د دې زندان د ښوونځي او ښوونیز بهیر په اړه خبرې اترې وکړې.
د ننګرهارولایت د پوهنې ریاست د سواد زده کړې مسول د نوموړي ولایت د ښوونځي وضعیت او د ښوونکو زحمتونه او فعالیتونه مثبت وارزول او د خوښۍ د څرګندولو ترڅنګ یې ژمنه وکړه، چې له دې ښوونځي سره هر ډول همکارۍ ته چمتو دی.
د زندانونو چارو د سمون ادارې رهبري او مسوولین تل هڅه کوي، څو په ښوونیزه او روزنیزه برخه کې د کابل او ولایتونو د ټولو ازادۍ سلب مرکزونو لپاره یوشان او مناسبې زمینې برابرې کړي.

ربېع الاول-۸/ ۱۴۴۴ 
د اطلاعاتو او عامه اړیکو ریاست