د غزني ولایت د زندان رئیس او مل پلاوي یې د دې ولایت د ګیلان او مقر ولسوالیو له توقیفخونو څخه ارزونه وکړله
د دغه ولایت د زندان رئیس محترم ملا محمد نور "بلال شاهین" او مل پلاوي د نوموړي ولایت د ګیلان او مقر ولسوالیو له توقیفخونو څخه د لیدنې پرمهال د یادو توقیفخونو له مسوولینو سره پر اړوندو مسایلو خبرې اترې وکړې.
داراز، پلاوي د نوموړو ولسوالیو اداري او تخنیکي چارو د ارزونې ترڅنګ د توقیفخونو له توقیفیانو سره له نیږدې ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ خپلې ستونزې او غوښتنې شریکې کړې، چې د پلاوي له لورې د هغوی دې غوښتنو ته د شرعي اصولو په رڼا کې د رسېدنې، د حقونو رعایتولو او ورته د لازمو اسانتیاوو د برابرولو ژمنه وشوه.
همدا شان، د لیدنې پرمهال د نوموړي زندان رئیس له لورې د عالیقدر امیر المؤمنین حفظه الله هغه فرمان چې بندیانو سره د ښه چلند، عدالت او انساني حقوقو په رعایتولو باندي ټینګار شوی، د زندان له مسوولینو سره شریک کړای شو.
جمادي الثاني ۲۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
