د زندانونو چارو د سمون ادارې سرپرست او د نظامي چارو مرستیال د دې ادارې د پولیسو د حقوقو عمومي مدیر او یو شمېر نظامي مسوولینو سره ولیدل
محترم لوی پاسوال الحاج محمد کاظم "طارق" نن(سې شنبې) په خپل کاري دفتر کې له نوموړو مسوولینو سره په دې لیدنه د سلسله مراتبو، د زندانونو د نظامي برخې د حقوقو، نظامي نظم او ډسپلین په پام کې نیولو، مسلکي زده کړو او اړوندو نورو مسایلو په اړه خبرې اترې وکړې.
داراز، د زندانونو چارو د سمون ادارې سرپرست او د نظامي چارو مرستیال په خپلو خبرو کې وویل: «د شفافیت، نظامي نظم، ښې همغږۍ او اغېزناکو امنیتي تدابیرو په رامنځته کولو سره کولی شو چې په ګډه د زندانونو او زندانیانو د امنیت د لا خونديتوب لپاره کار وکړو».
په ورته وخت کې، د پولیسو د حقوقو عمومي مدیر له خوا د یوه پرزنټیشن په ترڅ کې د دې مدیریت اړوند کاري معلومات هم وړاندې شول، چې محترم لوی پاسوال الحاج محمد کاظم "طارق" یې له لیدو او اورېدو وروسته د رضایت په څرګنولو سره ټولو نظامي مسوولینو او پرسونل ته سپارښتنه وکړه، څو ورسپارل شوي مسوولیتونه او چارې د اسلامي شریعت او تقنیني اسنادو مطابق او پر وخت ترسره کړي.
جمادي الثاني ۱۱/ ۱۴۴۷
د مقام د دفتر ریاست
د اطلاعاتو او عامه اړیکو امریت
