د زندانونو چارو د تنظیم ادارې له لورې د اسد ۲۴مه د افغانستان د خلکو او د اسلامي امارت د مبینې فتحې ورځې په ویاړ لمانځ غونډه وشوه
په دې اړه جوړ شویو مراسمو کې د زندانونو چارو د تنظیم ادارې د نظامي چارو مرستیال محترم لوی پاسوال الحاج محمد کاظم "طارق" په داسې حال کې، چې د یادې ادارې د مالي او اداري عمومي رئیس محترم مولوي عبدالهادي "مالي اخندزاه"، دیني عالم شیخ القران و الحدیث محترم مولانا عبدالسمیع "غزنوي"، او یو شمېر رئیسانو او نظامي او ملکي مسوولینو ګډون درلود، د اسد ۲۴مې تاریخي او ملي ورځې په ارزښت او د دې ورځې د ساتنې او نسلونو ته د هغې پیغام د لیږد او اهمیت په اړه خبرې وکړې.
د همدې ورځې په مناسبت محترم لوی پاسوال الحاج محمد کاظم طارق نظامي او ملکي مسوولینو ته په خبرو کې د افغانستان د اسلامي امارت د مبینې فتحې په ویاړ د مجاهدینو په سرښندنو او قربانیو باندې پوره وینا وکړله او همداراز يې د زندانونو چارو د تنظیم ادارې نظامي پرسونل ته د نظم، ډسپلین او نظامي یونیفورم پر مراعاتولو او له زندانیانو سره په نیک او ښه چلند سپارښتنې وکړې.
همداراز، دیني عالم شیخ القران و الحدیث حضرت مولانا عبدالسمیع "غزنوي" د یادو مراسمو پرمهال په خپلو خبر کې د اسلامي نظام پر جوړښت، اهمیت او د اسلامي نظام پر ساتلو او ښه خدمت کولو ټینګار وکړ او ويي ویل؛ د دغه نظام په ساتلو کې باید په ګډه نه ستړې کېدونکې هلې ځلې وکړو.
یاد مراسم د هېواد د پرمختګ او سوکالۍ لپاره د خیر په دعایې سره پای ته ورسېدل.
صفر المظفر ۲۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
