د بلخ ولایت د زندان سره د افغانستان د هوساینې او پراختیا موسسې له لورې د ژمنیو او اړتیا وړ توکو مرسته وشوه
د زندانونو چارو د سمون ادارې د اقتصادي برنامو او ستراتېژیکو اړیکو ریاست مسوولینو په هڅو او د یادې موسسې په همکارۍ، شوې مرسته کې چې کمپلې، جرابې او دستکشې شامل ول، د دې ولایت د ماشومانو د اصلاح او روزنې مرکز پر محجوزینو په شفافه توګه وویشل شول.
د بلخ ولایت د زندان رئیس محترم مولوي کمال الدین"زاهد"د افغانستان د هوساینې او پراختیا موسسې له همېشنیو مرستو او همکاریو څخه د خوښۍ د څرګندولو ترڅنګ، وویل چې د ماشومانو ساتنه، پالنه او روزنه زمونږ انساني او اخلاقي مسوولیت دی او هڅه کوو څو مرستې را جلب او هغوی ته لا زیاتې اسانتیاوې برابرې کړو.
رجب المرجب ۱۳/ ۱۴۴۷
د مقام د دفتر ریاست
د اطلاعاتو او عامه اړیکو امریت
