د زندانونو چارو د تنظیم ادارې نظامي چارو مرستیال د څرخي پله مرکزي زندان ګارنیزیون له یو شمېر نظامي مسوولینو سره ناسته وکړله
محترم لوی پاسوال الحاج محمد کاظم "طارق" په داسې حال کې، چې یادې ادارې د نظامي چارو معاونیت د ارکان رئیس محترم پاسوال الحاج اسدالله "مولانا"، د قرارګاه د امنيتي قطعې قوماندان محترم مل پاسوال مولوي سید محمد "مسلم"، د نظامي ښوونې او روزنې واحد قوماندانۍ قوماندان محترم مل پاسوال مولوي نورالله "دروېش"او یو شمېر د نظامي برخو مسوولینو سره د یادې لیدنې پرمهال نوموړو سره د زندانیانو لپاره د ښو خدماتو، د امنیتي پوستو، قراولونو، نظامي یونیفورم، له مراجعینو سره د امنیتی مسوولینو چلند، هغوی ته مناسب امنیتي چاپېریال برابرولو او اړوندو نورو مسایلو په اړه خبرې اترې وکړې.
داراز، د نظامي چارو مرستیال خپلو خبرو په ترڅ کې وویل: « اطاعت، یو بل سره ښې همغږۍ او اغېزناکو امنیتي تدابیرو په رامنځته کولو سره کولی شو چې په ګډه د زندانونو او زندانیانو د امنیت د لا خونديتوب لپاره کار وکړو».
همداشان، محترم لوی پاسوال الحاج محمد کاظم "طارق" نظامي مسوولینو ته سپارښتنه وکړله، چې د یادې ادارې نظامي تجهیزاتو څخه د ښې ساتنې سربېره تل د استفادي لپاره باید چمتو وي.
صفر المظفر ۵/ ۱۴۴۸
د مقام د دفتر ریاست
د اطلاعاتو او عامه اړیکو امریت
