د زندانونو چارو د سمون ادارې سرپرست او د نظامي چارو مرستیال د مرکزي برخو یو شمېر نظامي مسوولینو سره ولیدل
د دې ادارې د نظامي چارو مرستیال محترم لوی پاسوال الحاج محمد کاظم "طارق" په خپل کاري دفتر کې د یاد معاونیت د ارکان رئیس محترم پاسوال الحاج اسدالله "مولانا" او یو شمېر نظامي برخو مسوولینو سره ولیدل.
داراز، محترم لوی پاسوال الحاج محمد کاظم طارق نوموړو مسوولینو سره د سلسلې مراتبو، د نظامي نظم او ډسپلین په پام کې نیولو، نظامي یونیفورم څخه د استفادې، مسلکي زده کړو او اړوندو مسایلو په اړه خبرې اترې وکړې.
په دې لیدنه کې د نوموړي ادارې سرپرست او د نظامي چارو مرستیال خپلو خبرو پر مهال وویل: «د شفافیت، نظامي نظم، ښې همغږۍ او اغېزناکو امنیتي تدابیرو په رامنځته کولو سره کولی شو چې په ګډه د زندانونو او زندانیانو د امنیت د لا خونديتوب لپاره کار وکړو».
داراز، محترم لوی پاسوال الحاج محمد کاظم "طارق" د ګډ کار، مسلکي چلند او ښې همکارۍ پر ارزښت ټینګار وکړ او ټولو نظامي مسوولینو او پرسونل ته یې سپارښتنه وکړله څو ورسپارل شوي مسوولیتونه او چارې د اسلامي شریعت او د تقنیني اسنادو سره سم پر وخت ترسره کړي.
جمادي الثاني ۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
