د زندانونو چارو د سمون ادارې سرپرست او د نظامي چارو مرستیال د دې ادارې د ځینو برخو څخه لیدنه وکړله
د زندانونو چارو د سمون ادارې د نظامي مرستیال محترم لوی پاسوال الحاج محمد کاظم "طارق" چې د نظامي چارو د معاونیت د ارکان رئیس محترم الحاج پاسوال اسدالله "مولانا" او یو شمېر مسوولینو يې ملتیا کوله، د یادې ادارې ځینو برخو وضعیت وارزاوه او له مسوولینو سره یې پر اړوندو مسایلو سلا مشورې او خبرې اترې وکړې.
د نظامي چارو مرستیال محترم الحاج محمد کاظم طارق د امنیتي کامرو، سکن ماشینونو، د تلاشۍ ځایونو، امنیتي پوستو او قراولونو څخه لیدنه وکړله او اړوندو مسوولینو ته لازمه لارښوونه وکړله
تر هغې وروسته، د نظامي چارو مرستیال زندان ته د پایوازۍ بهیر له نږدې وکوت او د هغوی خبرې، ستونزې او غوښتنې یې واورېدې او حل په موخه یې اړوندو مسوولینو ته لازمې لارښوونې وکړې.
همداراز، د یادې ادارې سرپرست او د نظامي چارو مرستیال محترم لوی پاسوال الحاج محمد کاظم طارق د کابل ولایت د مرکزي توقیفخونې د پایوازۍ بهیر د ارزونې په ترڅ کې د تلاشۍ له ځایونو، سکن ماشینونو او پخلنځي څخه په جلا جلا توګه لیدنه وکړله او اړوندو مسوولینو ته لارښوونه وکړله څو په دغه بهیر کې ستونزې حل، لا زیاتې اسانتیاوې برابرې او له پایوازانو سره خپل چلند لا نور هم ښه کړي.
داراز، محترم الحاج محمد کاظم طارق د کابل ولایت مرکزي توقیفخونې ته یو شمېر راغلو پایوازانو سره له نږدې وکتل او هغوی هم د زندانونو چارو د سمون ادارې له مسوولینو څخه د دوی د تګ راتګ لپاره د لازمو سهولتونو، په توقیفخونه کې د شته پلورنځایونو او د مسوولینو له لوري د ښه چلند او نورو اسانتیاوو برابرولو په پار مننه وکړله.
دغه راز، نظامي مرستیال په مشرۍ پلاوي د نوموړو پایوازانو د ځینو ستونزو او غوښتنو تر اورېدو ورسته هغوی ته ډاډ ورکړ چې ورته به په وخت رسېدنه وکړي.
په ورته وخت کې، د زندانونو چارو د سمون ادارې سرپرست او د نظامي چارو مرستیال د یادې توقیفخونې له توقیفیانو سره هم ولیدل او نوموړو ته یې د پایوازۍ په بهیر او نورو برخو کې د لازمو اسانتیاوو رامنځ ته کولو په موخه ډاډ ورکړ.
د یادولو ده چې د زندانونو چارو د سمون ادارې رهبري او مسوولین، په دوامدار ډول د هېواد د ټولو ولایتونو د زندانونو او توقیفخونو د وضعیت ارزول، د مثبتو چارو غښتلتیا او ستونزو ته یې پروخت رسېدنه خپل مسوولیت ګڼي او په دې لاره کې خپلو هڅو ته دوام ورکوي.
جمادي الثاني ۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
