د زندانونو چارو د سمون ادارې نظامي مرستیال د کابل ولایت د څرخي پله د مرکزي محبس ښوونیز او روزنیز بهیر ارزونه وکړه
محترم لوی پاسوال قاري حبیب الله بدر په داسې حال کې چې د دغې ادارې د ښوونې او بیا روزنې رئیس محترم مولوي نظر محمد ناصري، د نوموړي زندان رئیس محترم مولوي عبدالمالک خاکسار او یو شمېر نور مسوولین ورسره مل وو، د کابل ولایت د څرخي پله مرکزي زندان له نارینه محبس څخه د لیدنې په ترڅ کې لومړی د دې محبس له ښوونیزو او روزنیزو برخو څخه ارزونه وکړه او له اړوندو مسوولینو، ښوونکو او روزونکو سره یې د محبوسینو لپاره په یادو برخو کې د لازیاتو امکاناتو پر برابرېدو ټینګار وکړ، چې مسوولینو، ښوونکو او روزنکو هم د ادارې نظامي مرستیال ته له خپله اړخه د نوموړي بهیر لپاره د هر ډول چمتوالي او تیاریو ډاډ ورکولو ترڅنګ، د ځینو اړتیاوو یادونه هم وکړه.
داراز، د زندانونو چارو د سمون ادارې نظامي مرستیال د کسب زده کړو شاپونو کې له ګډونوالو محبوسینو وغوښتل، چې خپلو زده کړو ته ډېره پاملرنه وکړي، څو یې پر مټ د بند د مودې تر پوره کېدو وروسته وکولي شي د سالمو او ګټورو وګړو په توګه خپلې کورنۍ او ټولنې ته د خدمت وړ وګرځي.
همداشان، محترم لوی پاسوال قاري حبیب الله بدر د یاد محبس دیني مدرسې ته ولاړ او هلته یې هم د دیني زده کړو له زده کوونکو محبوسینو سره په لیدنه کې له هغوی څخه وغوښتل چې له دغه طلایي فرست څخه ګټه پورته او په راتلوونکې کې په دیني علومو د پوهو وګړو په توګه خپلې کورنۍ او ټولنې سره په یو ځاي کېدو دنیوي او اخروي ګټې ترلاسه کړي.
ذو الحجه الحرام ۷ / ۱۴۴۶
د مقام د دفتر ریاست
د اطلاعاتو او عامه اړیکو امریت
