د بامیان ولایت د مرافعې محکمې او د یوناما څخه راغلو پلاوو د یاد ولایت له زندانه لیدنه وکړه
د بامیان د زندان مسوولینو تېره ورځ د دې ولایت د مرافعې محکمې څخه راغلي پلاوي او په افغانستان کې د ملګرو ملتونو سازمان د مرستندویه ماموریت "یوناما" د بشري حقونو د برخې له استازي ښاغلي کلراک سره ولیدل او د زندانیانو د جرمي دوسیو د څېړلو د هغوی د ژوندانه د وضعیت او د بشري حقونو د خوندیتوب په هکله یې ورسره خبرې اترې وکړې.
داراز، پلاوو د نوموړي زندان له زندانیانو سره هم لیدلي او د هغوی لپاره یې د ښو خدماتو او اسانتیاوو د رامنځته کولو په موخه له مسوولینو د مننې ترڅنګ، له خپله اړخه هم ورسره د نورو مرستو او همکاریو ډاډ ورکړی دی.
ربیع الاول ۲۰/ ۱۴۴۵
د مقام د دفتر ریاست
د اطلاعاتو او عامه اړیکو امریت
