د میدان وردګ ولایت د محکمې د رئیس په مشرې یوه پلاوي د دې ولایت له زندانه لیدنه وکړه
د دې ولایت د محکمې رئیس د یادې لیدنې پرمهال له زندان امر محترم مولوي صلاح الدین سره د زندانیانو محکماتي چارو او د دوسیو په اړه خبرې وکړې.
داراز پلاوي د میدان وردګ د زندان د بندیانو خونو ته ولاړ او هلته یې له بندیانو سره په کتنه کې، د هغوی محکماتي چارو او دوسیو په اړه ستونزې او غوښتنې واورېدې او د دوسیو د ژر څېړلو په موخه د دغه زندان مسوولینو سره لازمې مشورې وکړې.
په ورته وخت د میدان وردګ ولایت د زندان امر نوموړي پلاوي ته ډاډ ورکړ چې د زندانیانو محکماتي چارو او دوسیو په برخه کې خپلو چارو ته چټکتیا ورکړي او په دې برخه کې به لا نورې اسانتیاوې هم برابري کړي.
په پای کې، پلاوي د یاد ولایت د زندان له مسوولينو مننه وکړه، چې د زندانيانو هرې ستونزې ته يې پر وخت رسېدنه کړې او د دوی په اړه يې ټول معلومات له اړوندو ادارو سره شريک کړې دي.
ربیع الاول ۱۷/ ۱۴۴۵
د مقام د دفتر ریاست
اطلاعاتو او عامه اړیکو امریت
