په نږدې راتلونکې کې به د کندهار ولايت پرنشه یي توکو روږدي کسان د درملنې نوي ځای ته ولېږدول شي
نوموړي کسان چې له دې وړاندې د ياد ولايت د زندان اړوند د تخته پل ولسوالۍ د توقيفخونې په مربوطاتو کې د درملنې په جوړ شوي مرکز کې تر درملنې لاندې وو، اوس د ا.ا.ا د عاليقدر مشرتابه (حظفه الله) له خوا مربوطه مسوولينو ته لارښوونه شوې، څو په نږدې راتلونکې کې د کندهار هوایي ډګر ته نژدې د نظم عامه کنډک ودانۍ ته ولېږدول شي.
د کندهار ولايت د زندان د مسوولینو په وینا، د ياد کنډک د پاکولو، پر نشه يي توکو د روږو کسانو درملنې لپاره د لازمو طبي امکاناتو برابرولو، د طبي وسايلو ځای پرځای کولو او اوسېدو مناسب ځای برابرولو په موخه تخنيکي او کاري ټيم استول شوی دی.
ربېع الاول ۱۶/ ۱۴۴۵
د مقام د دفتر ریاست
د اطلاعاتو او عامه اړیکو امریت
