د زندانونو چارو د سمون ادارې د مرکزي ریاستونو د توکو ګودامونه به په یو منظم ډېټابېس سیسټم سمبال شي
د مخابراتو او معلوماتي ټېکنالوژۍ وزارت یوې ډلې متخصیصینو نن(دوشنبې) د دې ادارې د مخابرې او معلوماتي ټېکنالوژۍ ریاست انجنیرانو ته د یوه سیمینار په ترڅ کې د ادارې د مرکزي ریاستونو د توکو د ګودامونو د ډېټابېس سیستم له لارې د ډېجېټلي کولو په هکله هر اړخیز معلومات وړاندې کړ ل.
د زندانونو چارو د سمون ادارې د مخابرې او معلوماتي ټېکنالوژۍ رئیس محترم انجنیر عبیدالله "اخندزاده" د ادارې لپاره یاد سیستم اړین و باله او زیاته یې کړه، چې په دې سره به اداري چارو کې شفافیت، دقت او سرعت رامنځته، د ګودامونو په برخه کې به قلمي پروسه په کمپیوټري بدله او محاسبوي چارې به اسانې شي.
ټاکل شوې، چې د ډېټابېس سیستم په اړه دا روزنیز سیمینار به په راتلونکې کې د ادارې د نورو ریاستونو پرسونل لپاره هم جوړ شي.
محرم الحرم ۲۸/ ۱۴۴۵
د مقام د دفتر ریاست
د اطلاعاتو او عامه اړیکو امریت
