د کندهار ولایت د زندان ریاست مربوطه پرسونل لپاره د ټرافیکي زده کړو روزنیز کورس پایته ورسېد
یاد کورس، چې د نوموړي زندان د ریاست د مسوولینو په غوښتنه او د دغه ولایت د ټرافیکو مدیریت په همکارۍ پیل شوی و، په کې د کندهار زندان د ټرانسپورټ مدیریت پرسونل ګډون کړی و، چې ورته په واټونو کې د اصولي تګ راتګ، د ټرافیکي اشارو، نښو، مقرراتو او د زندان اړوند وسایطو چلولو د څرنګوالي او ځینو نورو ټرانسپورټي تخنیکي ګټورو موضوعګانو په هکله لازم او هراړخیزه روزنه ورکول شوه.
په ورته وخت کې، د ټرافیکي روزنو د کورس په پای کې د کندهار زندان د ریاست د ټرانسپورټ مدیریت له ګډونوالو کارکوونکو څخه عملي او نظري ازموینه واخیستل شوه او په پایله کې بریاليو کسانو ته په قانوني او رسمي توګه د موټر چلولو جوازونه ورکړل شول.
شاوال المکرم ۱۹/ 1444
د مقام د دفتر ریاست
د اطلاعاتو او کامه اړیکو امریت
