د سمنګانو سیمه ییزو ملکي، کشفي، عدلي او قضايي اورګانونو چارواکو د دغه ولایت له زندانه لیدنه وکړه
د سمنګانو د محترم والي او مرستیال، د استخباراتو محترم رئیس او د استیناف او ښاري محکمو محترمو رئیسانو په ګډون یوه پلاوي تېره ورځ، د سمنګان ولایت له زندانه د دې لیدنې په ترڅ کې د زندان له مسوولینو سره پر اړوندو مسایلو خبرې اترې وکړې.
یاد پلاوي تر دې خبرو اترو وروسته، د نوموړي زندان د مسوولینو او پرسونل له خوا په بېلابېلو برخو کې ترسره شوي فعالیتونه او لاسته راوړنې وارزولې او د دغه ولایت په کچه د زندان ستونزو ته د رسېدنې ډاډ یې ورکړ.
همداشان، پلاوي د سمنګان ولایت د زندان له بندیانو سره هم وکتل، د هغوی وضعیت یې له نږې وارزاوه او اړوندو مسوولینو ته یې د هغوی د مهمو غوښتنو او ستونزو پر حللارو بحث او سلا مشورې وکړې.
د زندانونو چارو د سمون ادارې رهبري او مسوولین، له ټولو دولتي او غیر دولتي اورګانونو او بنسټونو څخه هیله لري، چې د هېواد له ټولو ازادۍ سلب مرکزونو څخه لیدنه وکړي، د پرسونل او بندیانو، توقیفیانو او محجوزینو وضعیت او چلند یې وارزوي او د لاسته راوړنو په بډاینه او د ستونزو په حل کې له دغې ادارې سره همکاري وکړي.
ربېع الثاني ۲۸/ ۱۴۴۴
د اطلاعاتو او عامه اړیکو ریاست
