د فراه د زندان یوه پلاوي د دغه ولایت د بالا بلوک ولسوالۍ له توقیفخونې لیدنه وکړه
د فراه د زندان د امنیتي مرستیال محترم عبدالباري "جهادي" په مشري یوه پلاوي تېره ورځ، د نوموړي ولایت د بالا بلوک ولسوالۍ له توقیفخونې څخه د لیدنې په ترڅ کې، د دې توقیفخونې له مسوولینو سره پر اړوندو مسایلو خبرې اترې وکړې.
داراز، پلاوي د نوموړې ولسوالۍ د توقیفخونې له توقیفیانو سره ولیدل او هغوی په خپلو خبرو کې د مسوولینو له خوا د ښه چلند او برابرو شویو اسانتیاوو له امله د مننې ترڅنګ، ځینې مهمې غوښتنې لرلې، چې د پلاوي له خوا ورته د رسېدنې ژمنه وشوه.
یاد پلاوی ژمن دی، چې دوی به په دوامداره توګه د فراه ولایت د توقیفخونو وضعیت څاري او ستونزو ته به یې پروخت حللارې پیدا کوي.
ربېع الثاني ۲۸/ ۱۴۴۴
د اطلاعاتو او عامه اړیکو ریاست
