د ننګرهار ولایت د توقیفخونو امرینو او مرستیالانو ته درې ورځینې مسلکي-تخنیکي روزنیز سیمینار پایته ورسېد
د ننګرهار د مرکزي زندان رئیس محترم مولوي بلال"شاهین"، د دې ولایت د (۱۲)ګونو توقیفخونو امرینو او مرستیالانو لپاره د جوړ شوي سیمنار د پای په مراسمو کې له ګډونوالو وغوښتل، څو په دغه سیمینار کې ترلاسه کړې روزنې د خپلو چارو د منظموالي او چټکوالي لپاره په ښه توګه عملي کړي.
په ورته وخت کې، محترم شاهین د نوموړي سیمینار له ګډونوالو وغوښتل، چې له توقیفیانو سره د اسلامي همدردۍ او اصولو پربنسټ نرم چلند او روا غوښتنو ته یې پروخت رسېدنه وکړي.
یاد مراسم، په نوموړي مسلکي-تخنیکي روزنیز ۳ورځيني سیمینار کې د ننګرهار ولایت د ۱۲ګونو توقیفخونو امرینو او مرستیالانو برخه والو ته د تصدیق پاڼو په ورکړې سره پایته ورسېدل.
ربېع الاول-۱۶/ ۱۴۴۴
د اطلاعاتو او عامه اړیکو ریاستش
