د زندانونو چارو د سمون ادارې عمومي رئیس په مشرۍ پلاوي د کابل ولایت د نشه یي توکو ځانګړي امنیت لرونکي محبس څخه لیدنه وکړله
د زندانونو چارو د سمون ادارې عمومي رئیس محترم الحاج مولوي محمد یوسف"مستري"په داسې حال کې، چې د یادې ادارې د کشف او اوپراتېفي رئیس محترم مولوي عبدالشکور"طیب" او یو شمیر نور مسوولینو یې هم ملتیا کوله، دې محبس له محبوسینو سره ولیدل او هغوی ورته د خپل حالت او د محبس د مسوولینو له خوا د مناسبو خدمتونو وړاندې کولو په اړه معلومات ورکړل او هم یې ځینې غوښتنې لرلې، چې د پلاوي له لورې اړوندو مسوولینو ته سپارښته وشوه، چې د هغوی ستونزو او غوښتنو ته په وخت رسېدنه وکړي.
په ورته مهال، نوموړي پلاوي د یاد محبس د ښوونې بیا روزنې، کتابتون، درسي ټولګیو، ډوډۍ او خوړو پخولو، اباتې، د برېښنايي خدماتو وړاندې کولو تعمیراتي او روغتیايي چارې له نږدې وارزولې او د هغو لا ښه والي او شتو ستونزو د هواري په موخه یې اړوندو مسوولینو ته لازمې سپارښتنې وکړې.
د زندانونو چارو د سمون ادارې عمومي رئیس محترم الحاج محمد یوسف مسترۍ په مشرۍ پلاوي د دغه محبس د امنیتي کامرو، امنیتي ټاورونو، قراولونو، امنیتي پوستو او نورو برخو څخه لیدنه وکړله او د امنیتي تدابیرو لا ښه والي لپاره یې اړوندو مسوولینو ته لازمې سپارښتنې وکړې.
ذوالقعده ۲۲/ ۱۴۴۷
د مقام د دفتر ریاست
د اطلاعاتو او عامه اړیکو امریت
