د پکتیکا ولایت د زندان نظامي پرسونل لپاره د ظرفیت لوړونې درې ورځنی سمینار پېل شو
یاد سمینار چې د نوموړي زندان د مسوولینو په لارښونه د تجربه لرونکو ښوونکو له خوا پیل شوی، د زندان نظامي پرسونل لپاره به د اداري اصولو، نظم او ډیسپلین او د بندیانو د حقونو په اړه زده کړې ورکړل شي.
د پکتیکا ولایت د زندان امر محترم مولوي احسان الله "صلاح الدین" د یاد سمینار د پرانیستې په مراسمو کې ګډونوالو ته په خپله وینا کې د دا ډول روزنیزو پروګرامونو پر اهمیت ټینګار وکړ او ویې ویل، چې د ظرفیت لوړونه د اداري چارو د ښه تنظیم او د مسلکي وړتیاوو د پیاوړتیا لپاره حیاتي ارزښت لري او د زندان مسوولین باید د خپلو اداري دندو ترڅنګ له مراجعینو سره نېک، عادلانه او حسنه چلند وکړي.
شوال المکرم ۲۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
