د لوګر ولایت د زندان لپاره نوی نظامي مدیر وټاکل شو
د زندانونو چارو د سمون ادارې د کشف او اوپراتېفي رئیس محترم مولوي عبدالشکور"طیب" له خوا د یو لړ مراسمو په ترڅ کې محترم مولوي فضل الرحمن د لوګر ولایت د زندان د نظامي مدیر په توګه د دې زندان پرسونل ته معرفي شو
محترم مولوي عبدالشکور"طیب" د یادو مراسمو پرمهال، په داسې حال کې، چې د پکتیا ولایت د زندان رئیس محترم قاري عبدالغني "عادل"، د یاد ولایت د زندان امر محترم مولوي حمید الله "حیدري" او د لوګر د زندان یو شمېر مسوولینو هم شتون درلود، د مخکیني مدیر کړنې او فعالیتونه وستایل او د یاد زندان پرسونل څخه یې له نوي نظامي مسوول سره د همکارۍ او په ګډه د چارو ښه پرمخ وړلو لارښوونه وکړله.
په ورته وخت کې، د لوګر ولایت د زندان نوي نظامي مدیر محترم مولوي فضل الرحمن هم په خپلو خبرو کې د ادارې له خوا نوموړي ته د دې مسوولیت د سپارلو له کبله مننه وکړله او دا مسوولیت يې یو امانت یاد کړ او په ښه توګه د ساتلو ترڅنګ یې د دغه مسوولیت پر وخت ترسره کولو ډاډ ورکړ.
شوال المکرم ۲۹/ ۱۴۴۷
د مقام د دفتر ریاست
د اطلاعاتو او عامه اړیکو امریت
