ولایتي خبر: (ننګرهار) د ننګرهار ولایت په زندان کې د «ردالظلم» تر سرليک لاندې د واليبال ټورنمنټ پيل شو
د یاد ولایت د زندان په انګړ کې د «ردالظلم» تر سرليک لاندې د واليبال ټورنمنټ پيل شو، چې موخه یې د زندانيانو د ذهني سکون، سالمې او مثبتې بوختيا سربېره د اصلاح او روزنې د بهير د پياوړتيا په برخه کې يو مهم ګام بلل کېږي.
د ننګرهار ولايت د زندان رئيس محترم مولوي سهيل "سعيد" وويل؛ د دې ډول ورزشي کړنو تنظيم د زندانيانو پر روحي حالت مثبتې اغېزې لري او دا ډول پروګرامونه د زندانيانو د بيا ټولنيز کېدو او مثبت بدلون په برخه کې هم مهم رول لري.
په یاده سیالۍ کې، د ننګرهار د بېلابېلو ولسواليو او د جلالآباد ښار د واليبال لوبډلو ترڅنګ د هېواد له لسو (۱۰) ولايتونو څخه هم ټيمونه ګډون لري، چې دغه سيالۍ به شاوخوا يوه مياشت دوام وکړي.
د يادونې وړ ده، چې تر دې وړاندې هم په ننګرهار مرکزي زندان کې ورته ورزشي سيالۍ ترسره شوې دي، چې د زندانيانو له پراخ هرکلي سره مخ شوي او مثبتې پايلې يې درلودې.
شوال المکرم ۲۶/ ۱۴۴۷
د مقام د دفتر ریاست
د اطلاعاتو او عامه اړیکو امریت
