پکتیا ولایت د زندان نظامي مدیر او مل پلاوي د دې ولایت د زرمت ولسوالۍ له توقیفخونې څخه څارنه وکړله
د دغه ولایت د زندان نظامي مدیر او مل پلاوي د نوموړي ولایت د زرمت ولسوالۍ له توقیفخونې څخه د لیدنې پرمهال د یادې توقیفخونې له مسوولینو سره په اړوندو مسایلو خبرې اترې وکړې.
داراز، نوموړي پلاوي د یادې توقیفخونې د توقیفیانو لپاره د خوړو کیفیت، اوسېدو ځای، روغتیايي چارو او د پایوازۍ له بهیر څخه په جلا جلا توګه لیدنه وکړله او اړوندو مسوولینو ته یې لارښونې وکړې څو یادې چارې د اصولو او ټاکل شوو معیارونو سره پر مخ یوسي.
داراز، پلاوي د پکتیا ولایت د زرمت ولسوالۍ د توقیفخونې له توقیفیانو سره ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ خپلې ستونزې او غوښتنې شرېکې کړې چې د پلاوي له لورې د هغوی دې غوښتنو ته د رسېدنې، د هغوی د حقونو رعایتولو او ورته د لازمو اسانتیاوو د برابرولو ژمنه وشوه.
شعبان المعظم۲۶/ ۱۴۴۷
د مقام د دفتر ریاست
د اطلاعاتو او عامه اړیکو امریت
