د پکتیا ولایت د زندان مسوولینو د خوست ولایت له زندانه لیدنه وکړله

د زندانونو چارو د سمون ادارې د رهبرۍ په سپارښتنه، د پکتیا ولایت د زندان رئیس محترم قاري عبد الغني "عادل" او مل پلاوي تېره ورځ د خوست ولایت زندان ته ولاړ، او  د نوموړي ولایت له زندانه لیدنه وکړله او له مسوولینو او پرسونل سره يې د ياد زندان پر تخنیکي او نورو اړوندو چارو خبرې وکړې.

په ورته وخت کې، پلاوي د نوموړو زندانونو له زندانیانو سره هم لیدلي او د هغوی د امنیتي، تعمیراتي او روغتیايي چارو وضعیت ارزولی او د ستونزو حلولو او لازمو اسانتیاوو  برابرولو  په اړه يې معلومات راټول او له هغوی سره یې ژمنه کړ‎ې ، چې د زندانونو چارو د سمون ادارې رهبرۍ سره یاده موضوع شریکوي، څو حل لاره پیدا او په اړه یې مناسبه پرېکړه وشي.

جمادي الاول ۱۸/ ۱۴۴۷

د مقام د دفتر ریاست

د اطلاعاتو او عامه اړیکو امریت