ولایتي خبرونه: (ننګرهار، میدان وردګ، کندز) د ننګرهار ولایت په زندان کې د یو ملي سوداګر په مالي مرسته یو کلنیک جوړیږي.
د ننګرهار ولایت په زندان کې د کلنیک رغنیزې چارې چې د یاد زندان د مسوولینو په هڅو او د یو ملي سوداګر په مالي مرسته جوړیږي، د دې ولایت د زندان رئیس محترم مولو ي سهیل "سعید" او د نوموړي ولایت د روغتیا رئیس محترم مولوي امین الله "شریف" چې یو شمېر نورو مسوولینو یې ملتیا کوله، یادو رغنیزو چارو څخه لیدنه وکړله او د کار د لا ښوالي او چټکتیا په موخه یې اړوندو مسوولینو ته لازمې لارښونې وکړې.
د یادونې وړه ده، چې د نوموړي زندان په انګړ کې د روغتیا کلینک لپاره ۶ خونې، ۶ تشنابونه او یو پراخ هال جوړیږي.
همداراز، نوموړي سوداګر ژمنه وکړله، چې د اوبو یوې څاه کېدنې د ښځينه زندان لپاره د پایوازانو د انتظار ځای او یو شمېر نورو رغنیزو کارونو کې به هم همکاري وکړي.
همداشان، په یاد زندان کې د اداري او امنیتي غونډو لپاره تالار جوړ او ګټې اخیستنې ته وسپارل شو.
میدان وردګ:
د میدان وردګ ولایت په زندان کې د تنویر فکري او فرهنګي ادارې له لورې د نوموړي زندان سره په همغږۍ زندانیانو ته د (توبې د اهمیت) تر عنوان لاندې یو ورځینی سمینار ترسره شو.
کندز:
د کندز ولایت په زندان کې د زندانیانو د پایوازانو لپاره د سایبانونو د جوړولو چارې په چټکۍ سره روانې دي.
د مسوولینو په خبره، د یادو سایبانونو په بشپړیدو سره به پایوازانو ته لا زیاتې اسانتیاوې برابرې شي.
جمادی الاول ۵/ ۱۴۴۷
د مقام د دفتر ریاست
د اطلاعاتو او عامه اړیکو امریت
