د زندانونو چارو د سمون ادارې اړوند د مرکز او (۳۳) ولایتونو د زندانونو رئیسانو، امرینو او نظامي مدیرانو ته د زندانونو د رهبرۍ، اداري نظم او د زندانیانو د سالمې ساتنې په موخه (۱۵) ورځینی سمینار پای ته ورسېده
دغه سمینار چې د نوموړې ادارې د عمومي رئیس محترم الحاج مولوي محمد یوسف "مستري" په سپارښتنه د مرکز کابل او (۳۳) ولایتونو د زندانونو رئیسانو، امرینو او د نظامي مدیرانو ته (۱۵) ورځې دمخه پیل شوی و، په یاده موده کې اړوند مسوولینو ته د زندانونو د رهبرۍ، اداري نظم او د زندانیانو د سالمې ساتنې لپاره مهارتونه او پوهاوی ورکړل شو.
په دې اړه په جوړو شویو مراسمو کې د زندانونو چارو د سمون ادارې د پالېسۍ او مسلکي چارو مرستيال محترم قاري عبدالله "همدرد"، د نظامي چارو مرستیال محترم لوی پاسوال قاري حبیب الله "بدر"، د مالي او اداري عمومي رئیس محترم مولوي عبدالهادي "مالي اخندزاده"، د ښوونې او بیا روزنې رئیس محترم مولوي نظرمحمد "ناصري"، د ولایتونو سره د اړیکو رئیس محترم مولوي عبدالفتاح "فاتح"، د نظامي ښوونې او روزنې واحد قوماندانۍ قوماندان محترم مل پاسوال مولوي نور الله "دروېش" ولایتي رئیسانو، امیرینو او نظامي مدیرانو شتون درلود په خپلو خبرو کې وویل چې موږ او تاسو باید په ګومارنو کې په کار پوه او تجربه لرونکي وګړي په دندو وګومارو څو له خنډ او زنډ څخه مخنیوی وشي او چارې په غوره توګه مخ ته لاړې شي.
داراز، نوموړي زیاته کړله چې په اداري چارو کې له اړوند پرسونل سره ښه همغږي وکړئ او د زندان او زندانیانو په تړاو سپارل شوي مسوولیتونه په سم ډول ترسره کړئ.
دغه راز، د نظامي چارو مرستیال محترم لوی پاسوال قاري حبیب الله "بدر" د سمینار ګډونوالو ته په خپلو کې وویل چې د زندان رهبري کول او د زندانیانو اصلاح کول ستاسو مسوولیت دی نو د زندانونو چارو د سمون ادارې رهبري هېڅ مسوول ته اجازه نه ورکوي څو په دې تړاو غیر قانوني اعمال ترسره کړي.
همداراز، نوموړي یادو مسوولینو ته لارښوونه وکړه څو چارې په یوالي سره سرته ورسوي او تر لاس لاندې مسوولین خپلو چارو ته لانور هم متوجه کړي.
همدا شان، د مالي او اداري عمومي رئیس محترم مولوي عبدالهادي "مالي اخندزاده" د یاد سمینار د پای غونډې په مراسمو کې ؛ګډونوالو ته وویل چې زندان ته باید د خپل کور په سترګه وګورو او د هغه ټولو چارو ته پر وخت او ښه ډول رسېدنه وکړو.
په ورته وخت کې، یو شمېر نورو مسوولینو هم په خپلو خبرو کې دا ډول سمینارونه د زندانونو د ادارې کیفیت او د کارکوونکو د ظرفیت لوړولو لپاره خورا مهم یاد کړل او زیاته یې کړله چې لازمه ده څو خپله دنده او راسپارل شوي مسوولیتوونه د بشپړې پوهې او اصولو په مراعاتولو سره سرته ورسوو.
په پای کې، یاد مراسم د مرکز او (۳۳) ولایتونو د زندانونو رئیسانو، امرینو او نظامي مدیرانو ته د ستاینلیکونو په ورکړې او د خیر دعایې په ویلو سره پای ته ورسېدل.
هېره دې نه وي چې د زندانونو چارو د سمون ادارې له لوري د هېواد د زندانونو مسوولینو ته د ښوونيزو او روزنیزو سمینارونو او نورو ګټورو پروګرامونو لړۍ دوام لري.
شعبان المعظم ۲۰/ ۱۴۴۶
د مقام د دفتر ریاست
د اطلاعاتو او عامه اړیکو امریت
