د زندانونو چارو د سمون ادارې عمومي رئیس د سره صلیب نړېوال کمېټې له عمومي رئیس سره وکتل
محترم الحاج مولوي محمد یوسف "مستري" په داسې حال کې چې د ادارې د پالېسۍ او مسلکي مرستیال محترم قاري عبدالله، همدرد، د مقام د دفتر رئیس محترم قاري رحمت الله " ګلزاد " او د اقتصادي برنامو او ستراتېژیکو اړیکو رئیس محترم عبیدالله "اخلاص" هم ورسره وو، د سره صلیب نړیوالې کمېټې (ای سي ار سي) له عمومي رئیس ښاغلي پییر کرهنبول او مل پلاوي سره خپل کاري په دفتر کې وکتل.
په دې کتنه کې د دواړو لوریو د همغږۍ زیاتولو، کډو همکاریو، تخنیکي مرستو او په زندانونو کې د بېلابیلو برخو کارکوونکو ته د ظرفیت لوړونې په اړه بحث او خبرې اترې وکړلې.
د زندانونو چارو د سمون ادارې عمومي رئیس د یادې کتنې په ترڅ کې د ای سي ار سي له مخکینیو مرستو مننه وکړله او پر هغو د دوام د ټینګار ترڅنګ یې له نورو ملي او نړیوالو مرستندویه موسسو څخه هم له دې ادارې سره د مرستو او همکاریو غوښتنه وکړله.
د سره صلیب نړیوالې کمېټې مشر پییر کرهنبول په مشرۍ پلاوي له دغې ادارې څخه د نوموړې کمېټې سره د همکارۍ او زندانیانو ته په شفافه توګه د دوی مرسته شویو توکو د رسولو او ویشلو لپاره د ښې همغږۍ او زمینې برابرولو په موخه خوښي څرګنده کړله او له یادې ادارې سره یې د خپلو همکاریو د دوام ډاډ ورکړ.
شعبان المظم /۱۸ ۱۴۴۶
د مقام د دفتر ریاست
د اطلاعاتو او عامه اړیکو امریت
