د زندانونو چارو د سمون ادارې د کشف او اوپراتېفي رئیس د یوه پلاوي په مشرۍ د پروان ولایت له زندانه لیدنه وکړله
د زندانونو چارو د سمون ادارې د عمومي رئیس محترم الحاج مولوي محمد یوسف "مستري" په سپارښتنه د ادارې د کشف او اوپراتېفي رئیس محترم مولوي عبدالشکور"طیب" په مشرۍ پلاوي د پروان ولایت له زندان څخه د لیدنې پرمهال اړوندو مسوولینو سره خبرې وکړې او د زندانیانو لپاره د لا غوره خدمتونو د رامنځ ته کولو په تړاو یې ورته لازمې لارښوونې وکړې.
همداشان، د زندانونو چارو د سمون ادارې د کشف او اوپراتېفي رئیس او مل پلاوي یې د یاد ولایت د زندان له زندانیانو سره هم لیدلي د هغوی د خونو حالت یې ارزولی او اړوندو ستونزو ته د رسېدنې په موخه یې د زندان مسوولین متوجه کړي.
داراز، پلاوي د پروان ولایت د زندان د زندانیانو لپاره د روغتیايي او اداري چارو، امنیتي پوستو، ټاورونو او قراولونو وضعیت وارزوه او د شتو ستونزو د حل لپاره یې اړوند مسوولینو ته لازمې او د پام وړ لارښوونې وکړې.
رجب المرجب ۱۷/۱۴۴۶
د مقام د دفتر ریاست
د اطلاعاتو او عامه اړیکو امریت
