ولایتي خبرونه (غزني، سمنګان) د غزني ولایت د زندان رئیس په مشرۍ پلاوي د یاد ولایت د ځینو ولسوالیو د توقیفخونو د رغنیز چارو څخه لیدنه وکړه
د یاد ولایت د زندان رئیس محترم قاري عبدالغني "عادل" په مشرۍ پلاوي د یادو توقیفخونو له مسوولینو سره یې د تعمیراتي او رغنیزو چارو اړوندو مسایلو په هکله خبرې اترې کړې دي.
په دې خبرو اترو کې، د دې ولایت د توقیفخونو په تعمیراتي برخه کې ټولې ستونزې او اړتیاوې په ګوته او حل لارې یې وارزول شوې.
په ورته وخت کې، یاد پلاوي په دغه ولایت کې د ځینو ولسوالیو د توقیفخونو روانې رغنیزې چارې له نږدې ولیدلې او د ښه والي او چټکوالي لپاره یې اړوند مسوولینو ته لازمې سپارښتنې او لارښوونې وکړې.
د یو بل خبر له مخې، د سمنګان ولایت د مرافعې محکمې رئیس په مشرۍ پلاوي د دې ولایت د زندانه د لیدنې ترڅنک د یاد زندان مسوولینو سره د زندانیانو محکماتي چارو او د دوسیو په اړه خبرې وکړې.
داراز پلاوي د سمنګان ولایت د زندان د بندیانو خونو ته ولاړ او هلته یې له بندیانو سره په کتنه کې، د هغوی محکماتي چارو او دوسیو په اړه ستونزې او غوښتنې ترې واورېدې او د ژر څېړلو په موخه یې د دغه زندان مسوولینو سره لازمې مشورې وکړې.
محرم الحرام ۴/ ۱۴۴۶
د مقام د دفتر ریاست
د اطلاعاتو او عامه اړیکو امریت
