د غزني ولایت په زندان کې د یو جومات د جوړولو د بنسټ ډبره کېښودل شوه
د یاد زندان رئیس محترم قاري عبدالغني "عادل" په داسې حال کې چې د دغه زندان یو شمېر نور مسوولین هم ورسره وو، د یو لړ مراسمو پرمهال د نوموړي جومات د جوړېدو د بنسټ ډبره کېښوده.
د محترم عادل په وینا، پر یاد جومات به یو مېلیون افغانۍ لګښت راځي چې د غزني ولایت د یوشمېر خیرو عامو اوسېدونکو له خوا ورکول کېږي او چارې به یې د دوو میاشتو په لړ کې په ښه او معیاري ډول بشپړې شي.
د هغه په خبره، په دې جومات کې به په یو وخت کې سلګونه تنه لمونځ کوونکي ځایېږي.
ذوالقعدة الحرام/۴/ ۱۴۴۵
د مقام د دفتر ریاست
د اطلاعاتو او عامه اړیکو امریت
