د زندانونو چارو د سمون ادارې د پالېسۍ او مسلکي چارو د معاونیت تخنیکي او اداري ناسته ترسره شوه
تېره ورځ د زندانونو چارو د سمون ادارې د پالیسۍ او مسلکي چارو معاونیت تخنیکي او اداري ناسته چې له عدلي او قضایي اورګانونو سره د اړیکو رئیس محترم مولوي عبدالله "حقیق" په مشرۍ او د ادارې د ارزونې رئیس محترم مولوي عبدالشکور "طیب"، د پلان او پالېسۍ رئیس محترم چاريقل"ادیب" د ازادۍ د سلب پر ځایونو د اروزنې رئیس محترم داریوش"مجددي" او د یاد معاونیت تر چتر لاندې اړوند ریاستونو او امریتونو د مسوولینو په ګډون جوړه شوې وه ، په کې د نوموړو ریاستونو په لاسته راوړنو، ستونزو او غوښتنو خبرې اترې او سلا مشورې وشوې.
داراز، په یاده ناسته کې د ریاستونو او امریتونو مسوولینو د تېرې میاشتې ورسپارل شوي مسولیتونو پایلې او لاسته راوړنې شریکې کړې چې د محترم مولوي"حقیق" له خوا نوموړو مسوولینو ته لارښونه وشوه څو خپلې کاري چارې لا نورې هم چټکې او اړوندو ستونزو ته په وخت رسېدنه وکړي.
دربیع الاول ۳۰/ ۱۴۴۵
د مقام د دفتر ریاست
د اطلاعاتو او عامه اړیکو امریت
