د زندانونو چارو د سمون ادارې یوه پلاوي د کابل ولایت د ماشومانو د اصلاح او روزنې له مرکز څخه لیدنه وکړه
د دغې ادارې د عمومي رئیس محترم مولوي محمدیوسف"مستري" په سپارښتنه نن(شنبې) د ادارې د ښوونې او بيا روزنې رئیس محترم مولوي عبدالوارث "سادات" او د ارشاد او دعوت رئیس محترم مولوي صدیق الله "صدیقي" د کابل ولایت د ماشومانو د اصلاح او روزنې مرکز له ښوونیزو چارو څخه د ارزونې په موخه لیدنه وکړه.
همداراز، نوموړي پلاوي د یاد مرکز د پرسونل د دیني او عصري زده کړو له بهیر څخه هم لیدنه وکړه او هغوی ته یې په خبرو کې وویل، چې دا مو د دنیا او اخرت ګټه ده، چې په کولو سره یې په ټولنه کې د یو با علمه او باعزته وګړي په څېر ژوند وکړئ.
په ورته وخت کې، پلاوي د دې مرکز مسوولینو ته لارښوونه وکړه چې د محجوزو ماشومانو په ښې روزنې او پالنه کې خپلو نه ستړې کېدونکو هلو ځلو ته دوام ورکړي څو په راتلونکې کې د سالمو وګړو په توګه خپلې کورنۍ او ټولنې ته خدمت وړ وګرځي.
داراز، پلاوي ژمنه وکړه چې د نوموړي پرسونل د دیني او عصري پوهې او کاري وړتیا لوړاوي او د یاد مرکز د محجوزینو د ښوونې او روزنې په برخه کې به په راتلونکې کې هم ورته نور ګټور پروګرامونه پلي کړي.
صفر المظفر۱۶/ ۱۴۴۵
د مقام د دفتر ریاست
د اطلاعاتو او عامه اړیکو امریت
