د بادغیس په زندان کې د ازاد رقابت له لارې د استخدام په موخه ازموینه واخیستل شوه
تېره ورځ د دغه ولایت د زندان امر محترم ملا سیدباران "عدالتي" او د اداري اصلاحاتو او ملکي خدمتونو امر محترم مولوي بایجان په حضور کې د ازموینې کمېټې د غړو له خوا له یو شمېر نوماندانو څخه په شپږمو بستونو کې د ازاد رقابت له لارې د ګمارنې په هدف ازموینه واخیستل شوه.
د بادغیس ولایت د زندان مسوولینو په وینا، یاده ازموینه د یوې شفافې او عادلانه پروسې په ترڅ کې واخیستل شوه چې له مخې به یې وړ او په کار پوه کسان و ګومارل شي.
صفر المظفر ۱۲/ ۱۴۴۵
د مقام د دفتر ریاست
د اطلاعاتو او عامه اړیکو امریت
