د خوشې شویو بندي مجاهدینو د ستونزو د حل رئیس د کورنیو چارو وزارت د کریمنالتخنیک له عمومي رئیس سره ولیدل
د زندانونو چارو د سمون ادارې د عمومي رئیس محترم مولوي محمد یوسف "مستري" په لارښوونه، د خوشې شویو بندي مجاهدینو د ستونزو د حل رئیس محترم ملا محمد نور "بلال شاهین" تېره ورځ کابل کې د کورنیو چارو وزارت د کریمنالتخنیک له عمومي رئیس محترم مولوي زیارمل "خطاب" سره د خوشې شویو بندي مجاهدینو د ځينو مربوطه ستونزو د حل په موخه خبرې اترې وکړې.
په ورته وخت کې، د کورنیو چارو وزارت د کریمنالتخنیک عمومي رئیس له خپله اړخه د زندانونو چارو د سمون ادارې له ياد ریاست سره د اړوندو ستونزو د هوارۍ په هدف د رسېدنې ژمنه وکړه.
شوال المکرم ۲۰/ ۱۴۴۴
د مقام د دفتر ریاست
د اطلاعاتو او عامه اړیکو امریت
