د زندانونو چارو د سمون ادارې د ګومارنو، تشکيلاتو او د چارو د تنظيم کمېټې په اوولسمه ناسته کې پر یو لړ مهمو مسایلو بحث وشو
ياده ناسته، چې نن(يکشنبې) د نوموړې کمېټې د رئیس او د ادارې د پالېسۍ او مسلکي مرستيال محترم قاري عبدالله "همدرد" په مشرۍ او د نظامي مرستیال محترم پاسوال قاري حبیب الله "بدر"، د مالي او اداري عمومي رئیس محترم مولوي عبدالهادي مالي "اخندزاده"، د کابل د زندانونو چارو د سمون رئیس محترم مولوي عبداللہ "حقيق"، د اداري او خدماتو رئیس محترم عبدالمالک "خاکسار" او د څرخي پله مرکزي زندان د قرارکاه د امنيتي قطعې قومندان محترم شرافت الله "حقاني" په ګډون جوړه شوې وه، په کې پر يوشمېر تخنیکي او نورو اړتیا وړ مهمو موضوعګانو خبرې اترې وشوې چې په پايله کې د اوصولو پر بنسټ او د قانون په رڼا کی مهم تصامیم ونيول شول.
د یادونې وړ بولو، چې د زندانونو چارو د سمون ادارې د ګومارنو، تشکيلاتو او د چارو د تنظيم کمېټې د رامنځته کېدو موخه د ادارې د تشکيلاتو، ګومارنو او د چارو د سمون او اړوندو مهمو مسایلو څېړل، بحث او پرېکړې کول دي.
ربېع الثاني ۱۸/ ۱۴۴۴
د اطلاعاتو او عامه اړيکو رياست
