د کندز ولایت د زندان رئیس د دې ولایت د دشت ارچي ولسوالۍ له توقیفخونې څخه ليدنه وکړله
د دغه ولایت د زندان رئیس محترم ملا نعمت الله "سراجي"او مل پلاوي د نوموړي ولایت د دشت ارچي ولسوالۍ له توقیفخونې څخه د لیدنې پرمهال د یادې توقیفخونې له مسوولینو سره پر اړوندو مسایلو خبرې اترې وکړې.
همداشان، پلاوي د نوموړې ولسوالۍ د توقیفخونې اداري، د خوراکي موادو، حفظ الصحې، روغتیایي او امنیتي چارې له نیږدې وارزولې او اړوند مسوولینو ته د خدماتو لا ښه والي په موخه لازمې لارښوونې وکړې.
داراز، د کندز ولایت د زندان رئیس او مل پلاوي د دشت ارچي ولسوالۍ د توقیفخونې له توقیفیانو سره هم ولیدل او هغوی هم له نوموړي پلاوي څخه د دوی د وضعیت او حال د ارزونې له کبله د مننې تر څنګ خپلې ستونزې او غوښتنې شرېکې کړې چې د پلاوي له لورې د هغوی دې غوښتنو ته د رسېدنې، د هغوی د حقونو رعایتولو او ورته د لازمو اسانتیاوو د برابرولو ژمنه وشوه.
جمادي الاول ۵/ ۱۴۴۸
د مقام د دفتر ریاست
د اطلاعاتو او عامه اړیکو امریت
