ولایتي خبر: (پکتیا) د پکتیا ولایت د زندان نظامي مسوولینو او پرسونل ته د ظرفیت لوړونې په موخه پنځلس ورځینی سمینار پیل شو
داراز، د پکتیا زندان د رئیس محترم قاري عبد الغني "عادل" په وینا، دغه سمینار کې ګډونوالو ته د تجربه لرونکو استادانو له لورې به د دیني لارښوونو، نظامي اوصولو، اداري چارو، انضباط او مسلکي پرمختګ په اړه هر اړخیر معلومات ورکړل شي.
همداشان، د سمینار ګډونوالو دا ډول روزنیزو برنامو جوړولو څخه خوښي وښوده او وویل؛ دا برنامې دوی سره مرسته کوي څو چارې او مسوولیتونه په ښه توګه ترسره او په ژوند کې یې مثبت بدلون رامنځ ته شي.
ذوالقعده ۱۸/ ۱۴۴۷
د مقام د دفتر ریاست
د اطلاعاتو او عامه اړیکو امریت
